فېصل آباد۔9 اکتوبر(اے پی پی) وزیراعظم شهبازشریف وئيلي دي چې د ترهګرۍ تر بشپړه خاتمې به جنګ روان ساتلے شي ٬ د هېواد سلامتيا لپاره د پاك پوځ د افسرانو او ځوانانو قربانۍ كله هم هېرېدې نه شي۔ لېفټېننټ کرنل محمد علی شوکت خپل وطن سره د وفا لوظ پاللو سره خپل نن زمونږ په سبا قربان كړو٬ قام د پاك پوځ په قربانيو وياړي۔ د شورؤ په ورځ وزيراعظم فېصل آباد ته تللو سره د قطبي وزيرستان په سپن وام سيمه كښی د فتنة الخوارج په ضد جنګ كښې د شهادت درناوي ترلاسه كوؤنكي لېفټېننټ کرنل محمد علی شوکت شهید كورنۍ سره غمرازي او شهيد لپاره د بخښنې دعا وكړه۔ د دفاع وفاقي وزير خواجه آصف ٬ د اطلاعاتو او خپرونو وفاقي وزير عطاﺀ تارړ ٬ د وزير اعظم صلاحكار رانا ثناﺀ او سېنېټر ط??ال چوهدري هم وزيراعظم سره ؤ۔ په دې موقعه خپلو خبرو كښې وزيراعظم شهباز شريف ووئيل د پاك پوځ په شهيدانو زما په ش??ول ټول اولس وياړي۔ د هېواد سلامتيا لپاره د پاك پوځ د افسرانو او ځوانانو قربانۍ د هېرولو نه دي۔ پاكستانې قام به د خ??لو شهيدانو او د هغوي د كورنيو قرض دارې پاتې وي۔ ده ووئيل د هر ډول ترهګرۍ نوغې ويستلو عزم لرؤ۔ وزيراعظم ووئيل د ترهګرو په ضد امنيتي ځواكونو كاميابې كارروايۍ كړې دي۔ لېفټېننټ كرنل محمد علي شوكت د خ??ل ژوند له پروا كولو پرته په مړانه د دښمن مقابله وكړه۔ هغه زمونږ سبا لپاره خپل نن قربان كړو۔ هغه وطن سره د وفا كولو لوظ وپالو۔ لېفټېننټ کرنل محمد علی شوکت د 4 او 5 اکتوبر په منځومانۍ شپه كښې د شمالي وزيرستان په سپن وام سيمه كښې د ترهګرو په ضد د كارروايۍ په مهال د فائرنګ په تبادله كښې شهيد شوے ؤ۔ ده سره د پاك پوځ نور 5 ځوانان هم شهيدان شوي وو۔ په دغه كارروايۍ كښې 6 خوارجي هم وژلې شوي وو۔
